એવી તમામ બાબતો જે આપ

જીવનવીમો એ વીમા પૉલિસીધારક અને વીમા કંપની વચ્ચેનો એક કરાર છે. આ કરાર મુજબ, વીમા કંપની વીમાકૃત વ્યક્તિ કે પૉલિસીધારકનું મૃત્યુ થઈ જવાના કિસ્સામાં લાભાર્થીને પ્રીમિયમના બદલામાં એક નિશ્ચિત રકમ ચૂકવવાનું વચન આપે છે. વીમાના પ્રકાર પર આધાર રાખી જીવલેણ બીમારી કે ગંભીર બીમારી જેવા અન્ય કિસ્સામાં પણ ચૂકવણી કરવામાં આવે છે. પૉલિસીધારક સામાન્ય રીતે નિયમિતપણે અથવા તો એક સામટી રકમ તરીકે પ્રીમિયમની ચૂકવણી કરે છે.

વીમાને આપના ભવિષ્ય, આપની નિવૃત્તિ અને આપના સંતાનોના ઉચ્ચ શિક્ષણની જરૂરિયાતો માટે અસરકારક રીતે આયોજન કરવાના સાધન તરીકે પણ જોવામાં આવે છે.

પ્રથમ પગલું પૉલિસી ખરીદવાનું અને તેના પરિણામસ્વરૂપ, માસિક અથવા વાર્ષિક પ્રીમિયમને સમયસર ચૂકવવાનું છે. આપના મૃત્યુની દુર્ભાગ્યપૂર્ણ ઘટનાના કિસ્સામાં વીમા કંપની આપના પરિવારને અથવા તો આપે લાભાર્થી તરીકે જેમનું નામ આપ્યું હોય તેમને અગાઉથી નિશ્ચિત થયેલી રકમ ચૂકવે છે. જે ક્ષણે જીવનવીમા પૉલિસી જારી કરવામાં આવે છે, તે વીમાકૃત રકમ જેટલી સંપત્તિનું સર્જન થાય છે. રોકાણના અન્ય સ્વરૂપોથી અલગ વીમો એ રોકાણનું એકમાત્ર એવું સ્વરૂપ છે, જે આપને કરાર થવાના સમયે વચન આપવામાં આવેલ રકમ આપને ચૂકવે છે.

દરેક વ્યક્તિની વીમાની જરૂરિયાત અલગ-અલગ હોય છે. તે એક વ્યક્તિગત જરૂરિયાત છે, આથી રકમ અંગે નિર્ણય લેતા પહેલા આપે આપના જીવનના લક્ષ્યો અને ફુગાવાના વર્તમાન દરો અંગે વિચારવું જોઇએ. ‘હ્યુમન લાઇફ વેલ્યૂ (મનુષ્યના જીવનનું મૂલ્ય)’ તરીકે ઓળખાતી વિભાવના કેટલો જીવનવીમો લેવો જોઇએ તે અંગેનો યોગ્ય અંદાજ આપે છે. તેની ગણતરી એક એવી રકમ તરીકે કરવામાં આવે છે, જેનું રોકાણ જો બાંધી મુદતની થાપણમાં કરવામાં આવે તો તે આપની વર્તમાન આવક જેટલી આવક પેદા કરશે. સામાન્ય નિયમ એવો છે કે, આપની વર્તમાન વાર્ષિક આવક કરતા 10-12 ગણી આવક એ આપની હ્યુમન લાઇફ વેલ્યૂ ગણાય છે. આથી, જરૂરી વીમાકવચ અંગે નિર્ણય લેવા માટે આપે આપની વર્તમાન આર્થિક પરિસ્થિતિ, આપની ભવિષ્યની મહત્વાકાંક્ષાઓ, વર્તમાન જવાબદારીઓ અને આપ આપના જીવનમાં કેટલું જોખમ ઘટાડવા માંગો છો, તે અંગે આપે સ્પષ્ટ રહેવાની જરૂર છે.

હા. જીવનવીમો એ વિવિધ આર્થિક સીમાચિહ્નોને પૂર્ણ કરવા માટે રોકાણ કરવા માટેનું એક સાધન છે. તે શિસ્તબદ્ધ બચત કરવાની આદત કેળવી આપને ભવિષ્યની આર્થિક સુરક્ષા માટે એક ભંડોળ ઊભું કરવામાં મદદરૂપ થાય છે. તે આપને આપના બાળકના શિક્ષણ, ઘર ખરીદવા, નિવૃત્તિ જેવા આપના આર્થિક લક્ષ્યોને હાંસલ કરવામાં આપને મદદરૂપ થઈ શકે છે.

હા. એક વૈવિધ્યસભર પોર્ટફોલિયો રોકાણનું જોખમ ઘટાડવામાં આપને મદદરૂપ થાય છે. વિવિધ નાણાકીય સાધનોમાં રોકાણ કરવા ઉપરાંત, જીવનવીમામાં પણ રોકાણ કરવું એ આર્થિક સુરક્ષા, આર્થિક લક્ષ્યો પૂરાં કરવા અને કર સંબંધિત આયોજન કરવાની દ્રષ્ટિએ મહત્વનું છે.

ટર્મ ઇન્શ્યોરેન્સ પ્લાન ખૂબ જ સરળ અને પરવડે તેવા હોય છે અને તે ફક્ત જીવનવીમા કવચ પૂરું પાડે છે. એક વીમા કંપની વીમાકૃત વ્યક્તિના અકાળે અવસાનના કિસ્સામાં અગાઉથી નક્કી થયેલી એકસામટી રકમ લાભાર્થીને ચૂકવવાનું વચન આપે છે. પરંતુ જો વીમાકૃત વ્યક્તિ પૉલિસીની મુદત પૂર્ણ થવા સુધી જીવિત રહે તો તેમને કંઇપણ ચૂકવવાપાત્ર રહેતું નથી. બીજા શબ્દોમાં કહીએ તો, ટર્મ પ્લાન હેઠળ સર્વાઇવલ (જીવિત રહેવાનો)નો કે બચતનો કોઈ લાભ મળતો નથી. જે લોકો ઓછા પ્રીમિયમે મોટી રકમનો વીમો ઉતરાવા માંગે છે તેમના માટે ટર્મ ઇન્શ્યોરેન્સ વ્યવહાર્ય વિકલ્પ છે.

હૉલ લાઇફ ઇન્શ્યોરેન્સ પ્લાન પૉલિસીના કરાર મુજબ નિયમિતપણે પ્રીમિયમ ચૂકવવામાં આવે તો, પૉલિસીધારકના સમગ્ર જીવન દરમિયાન ચાલુ રહેવાની બાંયધરી પૂરી પાડે છે. મૃત્યુ થવા પર મળતાં લાભ જ્યારે પણ મૃત્યુ થાય ત્યારે ફક્ત મૃત્યુ થવા પર જ ચૂકવવાપાત્ર છે. એક હૉલ લાઇફ પ્લાન પ્રીમિયમને સીમિત રીતે અથવા તો નિયમિતપણે ચૂકવવાનો પ્લાન હોઈ શકે છે.

યુલિપ એ યુનિટ લિંક્ડ ઇન્શ્યોરેન્સ પ્લાનનું ટૂંકાક્ષરી છે, જે પૉલિસીધારકને વીમાકવચ પૂરું પાડવાની સાથે-સાથે વીમા કંપની પાસે ઉપલબ્ધ વિવિધ ફંડમાં રોકાણ કરવા માટે રોકાણના વિકલ્પો પણ પૂરાં પાડે છે. ચૂકવવામાં આવેલ પ્રીમિયમનો એક હિસ્સો જીવનવીમા કવચ માટે વસૂલવામાં આવે છે. બાકીની રકમ કે જે રોકાણયોગ્ય હિસ્સા તરીકે પણ ઓળખવામાં આવે છે, તેને ત્યારબાદ પૉલિસીધારકની જોખમ લેવાની ક્ષમતા પર આધાર રાખી તેની/તેણીની પસંદગીના વિવિધ ફંડમાં રોકવામાં આવે છે. યુલિપમાં ફંડ્સ વિવિધ ડેટ અને ઇક્વિટી ઇન્સ્ટ્રૂમેન્ટનું સંયોજન હોય છે.

પ્લાન હેઠળ વીમાકૃત વ્યક્તિનું મૃત્યુ થઈ જવાના કિસ્સામાં નોમીની/લાભાર્થી/મુખત્યારએ વીમા પૉલિસીના લાભ મેળવવા માટે વીમા કંપનીમાં શક્ય એટલા વહેલા દાવાના દસ્તાવેજો જમા કરાવવાના રહે છે. સમગ્ર પ્રક્રિયા અંગે જાણવા માટે અહીંયા ક્લિક કરો

સ્વાસ્થ્યવીમાના પ્લાન સારવાર કરાવવા પર થતાં ખર્ચનું વળતર મેળવવામાં આપને મદદરૂપ થાય છે તથા આપને અને આપના પરિવારને સ્વાસ્થ્ય અને નાણાં એમ બંનેના સંદર્ભમાં સુરક્ષિત રાખે છે. તે માંદગી કે સર્જરી પાછળ થયેલા વાસ્તવિક તબીબી ખર્ચાની ચૂકવણી કરે છે. આ બાબત સ્વાસ્થ્યવીમાને આપના પરિવારની આર્થિક સુખાકારી માટે ખૂબ જ મહત્વપૂર્ણ બનાવી દે છે.

કરબચત કરવાના અનેકવિધ માર્ગો હોવા છતાં, જીવનવીમો એ કરનું આયોજન કરવાનું સૌથી અસરકારક સાધન છે. જીવનવીમાના પ્લાનની મદદથી એક વ્યક્તિ કરબચત કરવાની સાથે-સાથે તેમના લાંબાગાળાના લક્ષ્યોને પણ હાંસલ કરવા પર પણ ધ્યાન આપે છે.

હા. જીવનવીમાને ઑનલાઇન ખરીદવો એ સલામતીભર્યું, સુવિધાજનક અને ઝડપી છે. જો વેબસાઇટ સુરક્ષિત કનેક્શન ધરાવતી હોય તો વીમાનું કોઇપણ ઑનલાઇન ટ્રાન્ઝેક્શન સુરક્ષિત ગણાય છે. એડ્રેસ બારમાં વેબસાઇટના નામની આગળ https:// છે કે નહીં તે જોઇને તેની ચકાસણી થઈ શકે છે.

વીમાના પ્રાથમિક રીતે ત્રણ વર્ગ છે - જીવન વીમો, સ્વાસ્થ્ય વીમો અને જનરલ ઇન્શ્યોરેન્સ. જનરલ ઇન્શ્યોરેન્સ (નોન-લાઇફ)માં જીવનવીમા સાથે નહીં સંકળાયેલ તમામ વીમાનો સમાવેશ થાય છે, જેમ કે, મોટર વીમો અને લાયેબિલિટી ઇન્શ્યોરેન્સ. સ્વાસ્થ્ય વીમાના પ્લાન વીમાકૃત વ્યક્તિ દ્વારા કરવામાં આવેલ તબીબી અને સર્જિકલ ખર્ચાઓની ચૂકવણી કરે છે.

એન્યુટી પ્લાન કે જે નિવૃત્તિ અથવા તો પેન્શન પ્લાન તરીકે પ્રચલિત છે, તે આપને વૃદ્ધાવસ્થા દરમિયાન આર્થિક સુરક્ષા પૂરી પાડે છે. જીવનયાપન પાછળ થતાં મોટા ખર્ચા, વધતો જઈ રહેલો ફુગાવો અને સ્વાસ્થયની કાળજી લેવા પાછળ વધી રહેલાં ખર્ચાને ધ્યાનમાં રાખીને આપ આપના એન્યુઇટી/રિટાયરમેન્ટ પ્લાનમાંથી પ્રાપ્ત થતી આવકની મદદથી આપ ગૌરવભેર જીવી શકો છો અને આપનું જીવનસ્તર જાળવી રાખી શકો છો.

બૉનસ એ પૉલિસીમાં કરવામાં આવેલો ઉમેરો છે, જે વીમા કંપની દ્વારા રળવામાં આવેલા નફામાંથી ચૂકવવામાં આવે છે. બૉનસ ફક્ત ભાગ લઈ રહેલી (અથવા તો, નફાની સાથે) પૉલિસીઓને જ ચૂકવવામાં આવે છે. બૉનસ કાં તો પ્રત્યાવર્તી (રીવર્ઝનરી) બૉનસ (સાદું અથવા ચક્રવૃદ્ધિ) અથવા તો અંતિમ (ટર્મિનલ) બૉનસ હોઈ શકે છે.

જોઇન્ટ લાઇફ પૉલિસીઓની રચના યુગલો અથવા તો જીવનસાથીને આવરી લેવા માટે થઈ છે. બેમાંથી કોઈ એકના અવસાનના કિસ્સામાં જીવિત વ્યક્તિને વીમાકૃત રકમ ચૂકવવામાં આવે છે. આ પ્લાન એકથી વધુ લાભ ધરાવે છે અને બેમાંથી કોઈની ગેરહાજરીમાં સુરક્ષા પૂરી પાડે છે. તે એન્ડોવમેન્ટ અથવા તો ટર્મ પ્લાન હોઈ શકે છે.

ગ્રૂપ ઇન્શ્યોરેન્સ એ વીમાનો એક એવો પ્રકાર છે, જેમાં વ્યક્તિઓના એક જૂથને એક જ વીમા પૉલિસી દ્વારા આવરી લેવામાં આવે છે. તે સામાન્ય રીતે નિયોક્તા દ્વારા તેમના કર્મચારીઓના લાભ માટે ખરીદવામાં આવે છે. જોકે, ઉદાહરણ તરીકે અન્ય ગ્રૂપો જેવા કે એક ક્લબના સભ્યો પણ આવા ગ્રૂપ ઇન્શ્યોરેન્સ હેઠળ આવરી લેવામાં આવી શકે છે. માસ્ટર પૉલિસીધારકના નામે એક માસ્ટર પૉલિસી જારી કરવામાં આવે છે. સભ્યો ગ્રૂપમાં સામેલ થતાં અને બહાર નીકળતા હોવાથી ગ્રૂપ હંમેશા ડાયનેમિક (ગતિશીલ) જ રહેશે.

બેંકએશ્યોરેન્સ એ બેંક દ્વારા તેના ગ્રાહકોને વેચવામાં આવતી વીમા પૉલિસીઓ હોય છે. બેંકો વીમા કંપનીઓની સાથે જોડાઈને અથવા તો સહભાગીદારીમાં વીમા પૉલિસી વેચે છે.

એન્ડોવમેન્ટ પ્લાન એ ચોક્કસ મુદત બાદ એકસામટી રકમ ચૂકવવા માટે તૈયાર કરવામાં આવેલો જીવનવીમા કરાર છે, જે રકમને પાકતી મુદતે અથવા તો પૉલિસીધારકના અકાળ અવસાને ચૂકવવામાં આવી શકે છે. એન્ડોવમેન્ટ પ્લાન એક પ્રકાર ‘એન્ટિસિપેટેડ એન્ડોવમેન્ટ પ્લાન’ છે, જે લોકપ્રિય રીતે મની બૅક પ્લાન તરીકે ઓળખાય છે. તેમાં પૉલિસીની મુદત દરમિયાન પૉલિસીધારકને સમયાંતરે ચૂકવણી કરવામાં આવે છે. તો પાકતી મુદતે બાકી બચેલી વીમાકૃત રકમને ચૂકવવામાં આવે છે.

સ્વાથ્ય વીમો એ વીમા પૉલિસીનો એક એવો પ્રકાર છે, જે તબીબી અને સર્જિકલ પ્રક્રિયાઓ પર થતાં ખર્ચની ચૂકવણી કરે છે. તે માંદગી કે ઇજા માટે થતાં ખર્ચના વળતર પેટે હોઈ શકે છે અથવા તો કોઈ માંદગી (જેમ કે, કેન્સર) માટે વળતરની એક સામટી રકમ હોઈ શકે છે. સ્વાસ્થ્ય વીમા પાછળ થતો ખર્ચ ચૂકવણી કરનારી વ્યક્તિ માટે કપાતપાત્ર છે અને તેમાંથી પ્રાપ્ત થતાં લાભ કરમુક્ત છે.

ટેક્સનું આયોજન કરવાથી બચતનું સર્જન થાય છે, જે વર્ષ માટે ચૂકવવાપાત્ર થતી રકમને ઘટાડવામાં આપને મદદરૂપ થાય છે. આપની ટેક્સની જવાબદારીઓનું આયોજન કરવાથી આપ રોકાણમાં વૃદ્ધિ કરવાનો લાભ મેળવી શકો છો અને આપના ભવિષ્યને આર્થિક રીતે સુરક્ષિત બનાવી શકો છો.