ઇન્ડિયાફર્સ્ટ સ્માર્ટ સેવ પ્લાન

ઇન્ડિયાફર્સ્ટ સ્માર્ટ સેવ પ્લાન

વર્ષ 1971માં ભારતના માર્કેટમાં રજૂ કરવામાં આવેલ યુલિપ કે યુનિટ-લિંક્ડ વીમા પ્લાન એ એક નાણાંની બચત કરનારો પ્લાન છે, જે જીવન વીમાકવચ પણ પૂરું પાડે છે. દરેક યુલિપ આ બંને ફાયદા પૂરાં પાડતાં હોવા છતાં તમામ યુલિપ પ્લાન એક જ પ્રકારે રચવામાં આવતાં નથી. ઇન્ડિયાફર્સ્ટ સ્માર્ટ સેવ પ્લાન એક યુલિપ છે, જેની રચના તમને જીવન વીમાકવચ હોવાની મનની શાંતિ આપવાની સાથે માર્કેટ સાથે જોડાયેલું વળતર પૂરું પાડી તમારા ભંડોળમાં વધારો કરવામાં મદદરૂપ થવા માટે કરવામાં આવી છે.

ઇન્ડિયાફર્સ્ટ સ્માર્ટ સેવ પ્લાનની મદદથી પ્રથમ જ દિવસથી પદ્ધતિસર રીતે બચત કરો, તમારા નાણાકીય લક્ષ્યો અને જોખમ લેવાની ક્ષમતાને અનુરૂપ ફંડના વિકલ્પ પસંદ કરો તથા તમારા દ્વારા કરવામાં આવેલા ચતુરાઇભર્યા નાણાકીય આયોજનના મીઠાં ફળ ભવિષ્યમાં મેળવો.

ઇન્ડિયાફર્સ્ટ સ્માર્ટ સેવ પ્લાન શું છે?

ઇન્ડિયાફર્સ્ટ સ્માર્ટ સેવ પ્લાન એ એક યુનિટ-લિંક્ડ, નોન-પાર્ટિસિપેટિંગ લાઇફ ઇન્શ્યોરન્સ એન્ડોવમેન્ટ મની સેવિંગ્સ પ્લાન છે. જીવન વીમાકવચ પૂરું પાડવાની સાથે-સાથે આ મની સેવિંગ્સ પ્લાન તમારી જોખમ લેવાની ક્ષમતા મુજબ તૈયાર કરવામાં આવેલા ફંડના ચાર વિશિષ્ટ વિકલ્પો દ્વારા તમને માર્કેટ સાથે જોડાયેલું વળતર પણ પૂરું પાડે છે.

તમે ફંડના કયા વિકલ્પમાં રોકાણ કરવા માંગો છો તે પસંદ કરવાની સાથે-સાથે તમે જોખમને ફેલાવી દેવા માટે આ પ્રત્યેક ફંડમાં તમારા પ્રીમિયમની ટકાવારી ફાળવી પણ શકો છો. તમારી અનુકૂળતા મુજબ વિવિધ ફંડ્સની વચ્ચે તમારા પ્રીમિયમને સ્વિચ કરી અને પુનઃનિર્દેશિત કરી તમારી બચતમાંથી મહત્તમ વળતર મેળવો.

ઇન્ડિયાફર્સ્ટ સ્માર્ટ સેવ પ્લાનની વિશેષતાઓ કઈ છે?

ઇન્ડિયાફર્સ્ટ સ્માર્ટ સેવ પ્લાન જેવો યુનિટ-લિંક્ડ ઇન્શ્યોરન્સ પ્લાન એ એક વિશિષ્ટ નાણાકીય સાધન છે, જેની મદદથી તમે તમારા રોકાણની તકોને મહત્તમ સ્તરે લઈ જઈ શકો છો અને જીવન વીમાકવચને પણ માણી શકો છો. એક જ પ્રોડક્ટની અંદર આ યુલિપ તમને અનેકવિધ નાણાકીય ફાયદા આપે છે.

બેવડો ફાયદો

તમે જ્યારે આ મની સેવિંગ્સ પ્લાનમાં રોકાણ કરો છો ત્યારે પ્રીમિયમના એક હિસ્સાને જીવન વીમાકવચની ચૂકવણી કરવા તરફ ફાળવવામાં આવે છે. બાકીના પ્રીમિયમને ફંડના વિવિધ વિકલ્પમાં રોકવામાં આવે છે, જેથી કરીને તમે નાણાકીય લાભ રળી શકો. આ પ્રકારે તમે કોઇપણ કમનસીબ ઘટનાના કિસ્સામાં તમારી પાસે જીવન વીમાકવચ હોવાની મનની શાંતિની સાથે પદ્ધતિસર રીતે ભવિષ્ય માટે ભંડોળ ઊભું કરી શકો છો.

ફંડના વિકલ્પો

ઇન્ડિયાફર્સ્ટ સ્માર્ટ સેવ પ્લાનની મદદથી તમે તમને ઉપલબ્ધ કરાવવામાં આવતાં ફંડના બહુવિધ વિકલ્પોનો ઉપયોગ કરી તમારી બચતનું પદ્ધતિસર રીતે નિર્માણ કરી શકો છો. આ મની સેવિંગ્સ પ્લાન હેઠળ પૉલિસીધારક રોકાણ કરવા માટે ચાર યુનિટ-લિંક્ડ ફંડ્સમાંથી કોઇને પણ પસંદ કરી શકે છે. ફંડનો દરેક વિકલ્પ જોખમ અને વળતરના અલગ-અલગ સ્તર ધરાવે છે.

ઇક્વિટી1 ફંડમાં જ્યારે લાંબાગાળા માટે રોકાણ કરવામાં આવે ત્યારે તે તમારા ફંડ્સને ઇક્વિટી ઇન્સ્ટ્રૂમેન્ટ્સમાં રોકીને ઊંચા વાસ્તવિક દરનું વળતર પૂરું પાડે છે. જોકે, તેમાં નકારાત્મક વળતરની પણ ઊંચી સંભાવના રહેલી છે, ખાસ કરીને ટૂંકાગાળામાં. આ ફંડમાં તમારું 80-100% રોકાણ ઇક્વિટી ફંડમાં કરવામાં આવે છે, જ્યારે બાકીનું 0-20% રોકાણ મની માર્કેટમાં કરવામાં આવે છે.

ડેટ1 ફંડ દ્વારા આપવામાં આવતું વળતર લાંબાગાળે ફુગાવાના દરથી વધી જાય તેવી અપેક્ષા હોય છે. આ મધ્યમ જોખમની પ્રોફાઇલ ધરાવતા ફંડના વિકલ્પમાં ટૂંકાગાળે નકારાત્મક વળતર પ્રાપ્ત થાય તેની સંભાવના ઓછી છે. તમારા 70-100% રોકાણને આ ફંડમાં ડેટ એસેટ્સમાં મૂકવામાં આવે છે, જ્યારે 0-30%ને મની માર્કેટમાં ફાળવવામાં આવે છે.

બેલેન્સ્ડ1 ફંડ મધ્યમ જોખમની પ્રોફાઇલ ધરાવે છે, જેમાં 50-70% ફંડને ઇક્વિટી ફંડમાં, 30-50%ને ડેટમાં અને 0-20%ને મની માર્કેટમાં મૂકવામાં આવે છે. લાંબાગાળે ફુગાવાના દરને માત આપવા તમારા ભંડોળને મદદરૂપ થવા માટે આ ફંડ ટૂંકાગાળામાં નકારાત્મક વળતર આપે તેની સંભાવના મધ્યમ છે.

વેલ્યૂ ફંડ લાંબાગાળે મૂડીલાભ પૂરાં પાડવાની સંભાવના ધરાવતાં ઇક્વિટી શૅર્સમાં મોટા હિસ્સાનું રોકાણ કરી લાંબાગાળે ઊંચા વાસ્તવિક દરનું વળતર પૂરું પાડે છે. આ ફંડમાં 70-100% એસેટને ઇક્વિટી ફંડ્સમાં ફાળવવામાં આવે છે, જ્યારે બાકીની 0-30% એસેટને મની માર્કેટમાં ફાળવવામાં આવે છે. આ વેલ્યૂ ફંડ ટૂંકાગાળામાં નકારાત્મક વળતર આપે તેની સંભાવના ઘણી વધારે છે.

તમારા ફંડના મૂલ્યનું રક્ષણ કરો

આ મની સેવિંગ્સ પ્લાનના છેલ્લાં ત્રણ વર્ષ દરમિયાન પૉલિસીધારકો તેમના ફંડ્સને લિક્વિડ1 ફંડમાં ટ્રાન્સફર કરી શકે છે. આમ કરીને તમે માર્કેટ સંબંધિત ચઢાવ-ઉતાર સામે તમારા ફંડના વર્તમાન મૂલ્યને સુરક્ષિત બનાવી શકો છો. જો આ વિકલ્પ પસંદ કરવામાં આવે તો, પૉલિસીની મુદત પૂરી થાય તે પહેલાંની પ્રત્યેક છેલ્લી છત્રીસ માસિક એનિવર્સરીના રોજ તમારી પૉલિસીના દરેક ફંડના મૂલ્યની 3% રકમ આપોઆપ લિક્વિડ1 ફંડમાં ટ્રાન્સફર થઈ જશે.

પ્રીમિયમની ચૂકવણી કરવાના સ્થિતિસ્થાપક મૉડ્સ

ઇન્ડિયાફર્સ્ટ સ્માર્ટ સેવ પ્લાન માટે તમે નિયમિત પ્રીમિયમ, મર્યાદિત પ્રીમિયમ અથવા તો એક જ વારમાં સંપૂર્ણ પ્રીમિયમની ચૂકવણી કરી શકો છો. નિયમિત અને મર્યાદિત મૉડમાં તમે માસિક, અર્ધ-વાર્ષિક અને વાર્ષિક રીતે પ્રીમિયમની ચૂકવણી કરી શકો છો. સિંગલ પ્રીમિયમના વિકલ્પમાં તમારે ફક્ત એક જ વારમાં સંપૂર્ણ પ્રીમિયમ ચૂકવી દેવાનું રહે છે.

આ મની સેવિંગ્સ પ્લાનમાં નિયમિત મૉડ માટેનું લઘુત્તમ પ્રીમિયમ માસિક રૂ. 1,000 છે, અર્ધ-વાર્ષિક રૂ. 6,000 છે અથવા વાર્ષિક રૂ. 12,000 છે. મર્યાદિત પ્રીમિયમના મૉડમાં લઘુત્તમ પ્રીમિયમ માસિક રૂ. 1,250 છે, અર્ધ-વાર્ષિક રૂ. 7,500 છે અથવા વાર્ષિક રૂ. 15,000 છે. સિંગલ પ્રીમિયમના મૉડમાં તમારે એક જ વાર કરવાની લઘુત્તમ ચૂકવણી પેટે રૂ. 45,000 ચૂકવવાના રહે છે. અંડરરાઇટિંગને આધિન રહી પ્રીમિયમની મહત્તમ કોઈ મર્યાદા નથી.

આંશિક ઉપાડની જોગવાઈ

લૉક-ઇનનો સમયગાળો પૂરાં થયાં બાદ જો કોઈ નાણાકીય કટોકટીની સ્થિતિ સર્જાય તો, તમે આંશિક ઉપાડની સુવિધાનો લાભ લઈ તમારા નાણાંનો ઉપયોગ કરી શકો છો. આ પ્રકારે આંશિક ઉપાડ કરવા પર કોઈ ચાર્જ લાગતો નથી.

ઓનલાઇન ખરીદી

ઇન્ડિયાફર્સ્ટ સ્માર્ટ સેવ પ્લાનને ખરીદવા માટે તમારે અમારી શાખાની મુલાકાત લેવા માટે કે અમારા એજન્ટને મળવા માટે ઘરની બહાર નીકળવાની જરૂરત નથી. આ મની સેવિંગ્સ પ્લાનને ખરીદવાની અને તેને શરૂ કરવાની પ્રક્રિયા ઓનલાઇન મૉડ મારફતે તમે ઘરે બેઠાં-બેઠાં તમારી અનુકૂળતાએ પણ કરી શકો છો.

કર સંબંધિત લાભ

તમે જ્યારે ઇન્ડિયાફર્સ્ટ સ્માર્ટ સેવ પ્લાનમાં રોકાણ કરો છો ત્યારે તમે લાગુ થતાં કાયદા હેઠળ કર સંબંધિત લાભ અને છૂટછાટો મેળવી શકો છો. પૉલિસીધારકો કલમ 80સી હેઠળ ચૂકવવામાં આવેલા પ્રીમિયમ પર અને ઇન્ડિયાફર્સ્ટ સ્માર્ટ સેવ પ્લાન હેઠળ પ્રાપ્ત થયેલા પાકતી મુદતના/મૃત્યુ સંબંધિત લાભ પર કર સંબંધિત લાભ અને છૂટછાટો મેળવી શકે છે.

ઇન્ડિયાફર્સ્ટ સ્માર્ટ સેવ પ્લાનને ખરીદવાના લાભ કયા છે?

ઇન્ડિયાફર્સ્ટ સ્માર્ટ સેવ પ્લાન એ સૌ કોઈના નાણાકીય પોર્ટફોલિયોમાં ઉમેરવા યોગ્ય પ્લાન છે. એક યુનિટ-લિંક્ડ પૉલિસી તરીકે આ મની સેવિંગ્સ પ્લાન વીમા અને રોકાણનો બેવડો ફાયદો પૂરો પાડે છે. તમે એક નોંધપાત્ર ભંડોળનું નિર્માણ કરવાની આશા રાખવાની સાથે-સાથે આ મની સેવિંગ્સ પ્લાન હેઠળ ઉપલબ્ધ ફંડ્સના વિવિધ વિકલ્પોનો ઉપયોગ કરી તમે જોખમને શક્ય એટલું ઘટાડી પણ શકો છો.

સંપૂર્ણ સમાનતા

ઇન્ડિયાફર્સ્ટ લાઇફની અન્ય પૉલિસીઓની જેમ જ, ઇન્ડિયાફર્સ્ટ સ્માર્ટ સેવ પ્લાન પણ તમારી સમક્ષ સંપૂર્ણ પારદર્શકતાની સાથે રજૂ કરવામાં આવે છે. આ પ્લાન કેવી રીતે કામ કરે છે, તેની દરેક મહત્વની વિગતો, ચાર્જિસના માળખાં, ફંડમાં રોકાણ કરવાની પદ્ધતિઓ, સંભવિત વળતરનો દર અને NAV ટ્રેકરને તમારી સાથે શૅર કરવામાં આવે છે, જેથી કરીને તમે તમારા નાણાકીય સ્વાસ્થ્ય માટે સંપૂર્ણપણે સૂચિત રહીને વિકલ્પ પસંદ કરી શકો તેની ખાતરી થઈ શકે. ઇન્ડિયાફર્સ્ટ સ્માર્ટ સેવ પ્લાન એ સમજદાર રોકાણકારો માટેની એક ઇન્ટેલિજેન્ટ પૉલિસી છે.

તમારી જોખમ લેવાની ક્ષમતા મુજબ તૈયાર કરવામાં આવેલો પ્લાન

સૌ કોઈ મૂડી બજારમાં રોકાણ કરવાની ક્ષમતા ધરાવતા નથી. જોકે, તમે લાંબાગાળે ફુગાવાને માત આપવા માટે પૂરતી બચત અને રોકાણ કરવાની આશા રાખતા હો તો, તમારે માર્કેટમાંથી મળી શકતી તમામ મદદ મેળવી લેવાની જરૂર છે.

ઇન્ડિયાફર્સ્ટ સ્માર્ટ સેવ પ્લાનની મદદથી તમે માર્કેટની અનિશ્ચિતતાઓ અને ચઢાવ-ઉતાર સામે સુરક્ષા મેળવવાની સાથે-સાથે મૂડી બજારના સંપત્તિનું સર્જન કરવાના લાભને પણ માણી શકો છો. ફંડના વિવિધ વિકલ્પોની વચ્ચે સ્વિચ કરવાનો વિકલ્પ પસંદ કરી અને આ પ્રકારે સ્વિચ કરી તમારા રોકાણ પરના જોખમને ઘટાડી દો. એક મહિનામાં બે વખત વિનામૂલ્યે સ્વિચ કરી અને પ્રીમિયમને પુનઃનિર્દેશિત કરવાની સુવિધા દ્વારા તમે કોઇપણ પ્રકારનો વધારાનો ખર્ચ કર્યા વગર જ્યાં તમારા નાણાંનું રોકાણ કરો છો, તેને બદલી શકો છો.

જીવન વીમાકવચ અને મૃત્યુ સંબંધિત લાભ

જો વીમાકૃત વ્યક્તિનું અકાળે અવસાન થઈ જાય તો, ઇન્ડિયાફર્સ્ટ સ્માર્ટ સેવ પ્લાન જીવન વીમાકવચ પૂરું પાડે છે. નિયમિત અને મર્યાદિત પ્રીમિયમના પ્લાન માટે લઘુત્તમ વીમાકૃત રકમ વાર્ષિક પ્રીમિયમના સાત ગણી છે. સિંગલ પ્રીમિયમની પૉલિસી માટે લઘુત્તમ વીમાકૃત રકમ સિંગલ પ્રીમિયમની રકમ કરતાં 125% છે.

જોકે, મૃત્યુ સંબંધિત લાભ કોઇપણ સમયે ચૂકવવામાં આવેલા કુલ પ્રીમિયમના 105% કરતાં ઓછો નહીં હોય. મહત્તમ વીમાકૃત રકમનો આધાર પ્રીમિયમની ચૂકવણીના મૉડ અને પૉલિસીધારકની વય પર રહેલો છે.

પાકતી મુદતના લાભ

પૉલિસીની મુદતના અંતે તમને તે સમયે ફંડનું જે મૂલ્ય હશે, તે પ્રાપ્ત થશે. પૉલિસીધારક એકસામટી ચૂકવણી તરીકે સમગ્ર રકમને સ્વીકારવાનું પસંદ કરી શકે છે અથવા તો સેટલમેન્ટનો વિકલ્પ પસંદ કરી શકે છે. ઇન્ડિયાફર્સ્ટ સ્માર્ટ સેવ પ્લાન હેઠળના સેટલમેન્ટના વિકલ્પમાં તમે તમારી ચૂકવણીઓને 5 વર્ષના સમયગાળા માટે માસિક હપ્તાઓના સ્વરૂપે મેળવી શકો છો.

તમારે ઇન્ડિયાફર્સ્ટ સ્માર્ટ સેવ પ્લાનની જરૂરત શા માટે છે?

આપણું જીવન અનિશ્ચિતતાઓથી ભરેલું છે. તમારો બચત પ્લાન તમારા વર્તમાનને સુરક્ષિત બનાવી તમારા ભવિષ્યનું આયોજન કરવામાં મદદરૂપ થતો હોવો જોઇએ. ઇન્ડિયાફર્સ્ટ સ્માર્ટ સેવ પ્લાનની મદદથી તમે આ સપનાને સાકાર કરી શકો છો.

જીવન વીમાકવચ + રોકાણ

જ્યારે તમે તમારા પરિવારની કમાણી કરનારી વ્યક્તિ બની જાઓ છો, ત્યારે તમને અનેક અધિકારો પ્રાપ્ત થવાની સાથે તમારા ખભા પર અનેક જવાબદારીઓ પણ આવી પડે છે. આ પ્રકારની જવાબદારીઓ પૈકીની એક એટલે તમારી ગેરહાજરીમાં તમારા પરિવારની તમામ જરૂરિયાતોની કાળજી લેવામાં આવે તેની વ્યવસ્થા કરવી.

ઇન્ડિયાફર્સ્ટ સ્માર્ટ સેવ પ્લાન એ ફક્ત રોકાણનું સાધન નથી, તે જીવન વીમાની પણ પ્રોડક્ટ છે. માર્કેટના ચઢાવ-ઉતાર સામે તમારા રોકાણનું અને કોઈ કમનસીબ ઘટનાની સામે તમારા પરિવારજનોનું રક્ષણ કરવાની સાથે-સાથે મૂડી બજારમાં રોકાણ કરવાના લાભ મેળવો.

ફુગાવાને માત આપવા માટે પદ્ધતિસરની બચત

કપરી પરિસ્થિતિઓ માટે બચત કરવાનો ગુણ તો ભારતીયોના લોહીમાં છે. જોકે, તમારા નાણાંને ફિક્સ્ડ ડીપોઝિટમાં કે તમારા બેંક ખાતામાં મૂકી રાખવાથી આ લક્ષ્ય હાંસલ થઈ શકશે નહીં. 21મી સદીમાં તમારે કપરી પરિસ્થિતિ માટે બચત કરવાથી પણ વિશેષ કરવું જરૂરી બની જાય છે, તમારે ભવિષ્યને ધ્યાનમાં રાખીને રોકાણ કરવાની જરૂર છે. ઇન્ડિયાફર્સ્ટ સ્માર્ટ સેવ પ્લાનની મદદથી તમે નાણાંની પદ્ધતિસર રીતે બચત કરવાની ટેવ કેળવી શકો છો અને તેને તમારા માટે કામે લગાડી શકો છો.

ઇન્ડિયાફર્સ્ટ સ્માર્ટ સેવ પ્લાનને ખરીદવાના માટેના પાત્રતાના માપદંડો કયા છે?

• ઇન્ડિયાફર્સ્ટ સ્માર્ટ સેવ પ્લાન હેઠળ પ્રવેશની લઘુત્તમ વયમર્યાદા 5 વર્ષ છે, જ્યારે પ્રવેશની મહત્તમ વયમર્યાદા 65 વર્ષ નિર્ધારિત કરવામાં આવી છે.
• પાકતી મુદતે લઘુત્તમ વય 18 વર્ષ હોવી જોઇએ જ્યારે પાકતી મુદતે મહત્તમ વયમર્યાદા 75 વર્ષ છે.
• પ્રીમિયમની ચૂકવણીના નિયમિત વિકલ્પ માટે પ્રીમિયમની ચૂકવણીની સમાન મુદતની સાથે પૉલિસીની મુદત 10થી 70 વર્ષ સુધી લંબાય છે.
• આ મની સેવિંગ્સ પ્લાનમાં પ્રીમિયમની મર્યાદિત ચૂકવણીના વિકલ્પ માટે પ્રીમિયમની ચૂકવણીના 5/7 વર્ષની સાથે પૉલિસીની મુદત 10થી 25 વર્ષ સુધી લંબાય છે.
• ઇન્ડિયાફર્સ્ટ સ્માર્ટ સેવ પ્લાનના સિંગલ પ્રીમિયમમાં એક જ વખતની ચૂકવણીના વિકલ્પની સાથે પૉલિસીની મુદત 5થી 20 વર્ષ સુધી લંબાય છે.
• આ પ્રીમિયમને માસિક, અર્ધ-વાર્ષિક, વાર્ષિક કે એક જ વારમાં સંપૂર્ણ ચૂકવણી તરીકે ચૂકવી શકાય છે.