વિશ્વાસના પાયા પર રચાઈ છે અમારી ઓળખ

મુંબઈમાં મુખ્ય કાર્યાલય અને રૂ।. 754.37 કરોડના પેઈડ અપ શેર કેપિટલ સાથે, ઈન્ડિયાફર્સ્ટ લાઈફ ઈન્શ્યોરન્સ કંપની લિમિટેડ(ઈન્ડિયાફર્સ્ટ લાઈફ) ભારતમાં સૌથી ઝડપથી વિકસતી ખાનગી જીવન વીમા કંપનીઓમાંની એક છે. અમારી સરળ અને સમજવામાં આસાન, શ્રેષ્ઠતમ કિંમતોએ ઉપલબ્ધ ઉત્પાદનો અમને અલગતા આપતી વિશિષ્ટતાઓ છે. ઈન્ડિયાફર્સ્ટ લાઈફ ખાતે, અમે પ્રત્યેક ભારતીય ઘર માટે વીમો ઉપલબ્ધ કરાવવા માટે કટિબદ્ધ છીએ. નવેમ્બર 2009થી, અમે સરળ, સમજવામાં આસાન, શ્રેષ્ઠતમ કિંમતોએ ઉપલબ્ધ ઉત્પાદનો આપી રહ્યા છીએ. ત્યારથી અત્યાર સુધી અમે લાંબી મજલ કાપી છે અને આજે, ભારતમાં ખાનગી જીવન વીમા કંપનીઓમાં અમે 10માં* ક્રમે પહોંચ્યા છીએ. કુલ એકત્ર કરેલ રૂ।. 6,974 કરોડના કુલ પ્રીમિયમ અને રૂ।. 27,073 કરોડના એયુએમ સાથે કંપનીએ નાણાંકીય વર્ષ 24 સમાપ્ત કર્યું છે. નાણાંકીય વર્ષ 2020 કરતાં વધુ એમ નાણાંકીય વર્ષ 2024માં કંપનીએ કુલ પ્રીમિયમ પર 20% સીએજીઆર આપ્યું છે અને વર્ષ 2024માં રૂ।. 112 કરોડનું સૌથી વધુ નફો નોંધાવ્યો છે. આ ગ્રાહકોને શક્ય હોય તેટલી શ્રેષ્ઠ સેવા આપવાની અમારી પ્રતિબદ્ધતાનો પુરાવો છે.

અમારા પ્રારંભિક શેરધારકોમાં બેંક ઑફ બરોડા, આંધ્ર બેંક (હવે યુનિયન બેંક ઑફ ઈન્ડિયા) અને લીગલ એન્ડ જનરલ મિડલ ઈસ્ટ લિમિટેડ હતા. ફેબ્રુઆરી 2019માં, લીગલ એન્ડ જનરલ દ્વારા તેમનો હિસ્સો ભારતના કાયદા અંતર્ગત રચાયેલ એક પ્રાઈવેટ લિમિટેડ કંપની અને વોર્બર્ગ પિન્કસ ગ્રુપની સહયોગી કંપની - કાર્મેલ પોઈન્ટ ઈન્વેસ્ટમેન્ટ્સ ઈન્ડિયા પ્રાઈવેટ લિમિટેડને વેચવામાં આવ્યો. એપ્રિલ 2020માં, આંધ્ર બેંકના યુનિયન બેંક ઑફ ઈન્ડિયામાં સંયોજન બાદ અમારું વર્તમાન શેરધારકનું

માળખું નીચે મુજબ છેઃ

બેંક ઑફ બરોડા – 65%
યુનિયન બેંક ઑફ ઈન્ડિયા – 9%
કાર્મેલ પોઈન્ટ ઈન્વેસ્ટમેન્ટ્સ ઈન્ડિયા પ્રાઈવેટ લિમિટેડ – 26%

અનુભવ જે છે સૌથી અલગ

સપ્ટેમ્બર 30, 2024 સુધી, ગ્રાહકોની સુરક્ષા, બચત અને નિવૃત્તિની જરૂરીયાતો પૂરી કરતાં 32 રીટેલ ઉત્પાદનો, 15 ગ્રુપ ઉત્પાદનો અને 8 રાઈડર્સ(રીટેલ અને ગ્રુપ પોર્ટફોલિયોમાં) અમારા દ્વારા આપવામાં આવે છે. અમારા દ્વારા વિભિન્ન વિતરણ ક્ષમતાઓનો ઉપયોગ કરીને અને વિવિધ રોકાણ વિકલ્પોને બહેતર બનાવીને પીએમજેજેબીવાય યોજના અંતર્ગત પણ પોલિસીઓ આપવામાં આવે છે.

આઈઆરડીએઆઈના 2024ના નિયમો અનુસાર, સુધારેલ માર્ગદર્શિકાઓ સાથે સુસંગતા અને જોડાણને સુનિશ્ચિત કરવા માટે અમે અમારા તમામ ઉત્પાદનોને સુધારવાની પ્રક્રિયા હેઠળ છીએ. નવા નિયમનકારી પ્રણાલી અંતર્ગત, અમારા ઉત્પાદનો વહેલા નિગર્મન પર ઓછી પેનલ્ટી સાથે, વધુ ગ્રાહક-કેન્દ્રિત બન્યા છે.

નીચેની શ્રેણીઓ અંતર્ગત અમે ઉત્પાદનોની સંપૂર્ણ શ્રેણી આપીએ છીએઃ પાર્ટિસિપેટીંગ યોજનાઓ, નોન-પાર્ટિસિપેટીંગ બચત યોજનાઓ, નોન-પાર્ટિસિપેટીંગ સુરક્ષા યોજનાઓ, યુનિટ-લીંક્ડ વીમા યોજનાઓ, ગ્રુપ પ્રોટેક્શન યોજનાઓ, કોર્પોરેટ ફંડ્સ યોજનાઓ, રાઈડર્સ અને પીએમજેજેબીવાય. આ શ્રેણીઓ સાથે મળીને ઉત્પાદનોની એક વિસ્તૃત શ્રેણી તૈયાર કરે છે જે અમારા ગ્રાહકોને જીવનની નિશ્ચિતતાઓ માટે તૈયાર કરે છે. અમારા ઉત્પાદનો સમજવામાં સરળ અને વિકસિત સઘન રીસ્ક મેનેજમેન્ટ માળખા/પોલિસી સાથે શ્રેષ્ઠતમ કિંમતે તૈયાર કરવામાં આવ્યા છે. ઉત્પાદનોની વિશાળ શ્રેણી દ્વારા અમે સુનિશ્ચિત કરીએ છીએ કે અમારા ગ્રાહકો તેમની જરૂરીયાતો અને બજેટને શ્રેષ્ઠ રીતે મેળ ખાય તેવી યોજના પસંદ કરી શકે છે.

પ્રત્યેક વ્યક્તિ મહત્વપૂર્ણ છે

હંમેશા ભવિષ્ય-લક્ષી દ્રષ્ટિકોણ સાથે, ઈન્ડિયાફર્સ્ટ લાઈફ કંપનીના પ્રતિભાશાળીઓ કર્મચારીઓ માટે સતત સંભાળ, તાલીમ અને વિકાસની તકોને ટેકો આપે છે. અમે અમારી એમ્પ્લોયી વેલ્યૂ પ્રેપોઝીશન(“ઈવીપી”)ને કર્મચારી તરફથી ‘આપવું’ અને ‘મેળવવા’ વચ્ચેનું સંતુલન માનીએ છીએ, જેમાં કર્મચારી અમને ‘નવી વિચારશૈલી, સહાયકારી અભિગમ, પ્રામાણિકતા અને હંમેશા વધુ કરવા’ના મૂલ્યો આપે છે અને સામે કર્મચારીને ‘સંભાળ’ મળે છે જેમાં, સફળતાની ઉજવણી, ગતિશીલ વિકાસ, સિદ્ધિઓની સરાહના અને કર્મચારીઓના સશક્તિકરણનો સમાવેશ થાય છે.

ઉત્કૃષ્ટ જીવન વીમો અને ચડિયાતી સેવાઓ આપવાની અમારી ક્ષમતા કર્મચારીઓની પ્રતિભાની યોગ્ય ઓળખ, વિકાસ અને તેના ઉત્તેજન પર આધાર રાખે છે. તેની પૂર્તિ માટે, ઈન્ડિયાફર્સ્ટ લાઈફ દ્વ્રારા તેના કર્મચારીઓમાં નોંધપાત્ર રોકાણ કરવામાં આવે છે જેથી તેઓ તેમના કાર્યમાં ઉત્કૃષ્ટ પ્રદર્શન કરી શકે અને વ્યવસાયિક રીતે તેમને વિકસવાની તકો મળે. અમારા સતત પ્રયાસોના પરિણામરૂપે જ, કર્મચારીની લાઈફ સાયકલ મેનેજમેન્ટ પરત્વે અમારા વ્યવસાયિક અભિગમની સરાહના રૂપે ગ્રેટ પ્લેસીસ ટુ વર્ક (કામ કરવા માટે શ્રેષ્ઠ કંપનીઓ) સર્વેક્ષણ, 2021માં ‘ભારતમાં કામ કરવા માટે યોગ્ય ટોચની 100 કંપનીઓ’ અમને સ્થાન મળ્યું છે. વર્ષ 2020 અને 2021માં ‘ભારતમાં બીએફએસઆઈમાં કામ કરવા માટે શ્રેષ્ઠ કંપનીઓ’માં પણ અમને સ્થાન મળ્યું છે. જૂન 30, 2022 રોજ કંપનીના ફુલ-ટાઈમ કર્મચારીઓની સંખ્યા 3,433 છે.

અમારા પ્રયત્નો પુનરાવર્તીય અને સતત વિકાસશીલ છે કેમ કે અમે સતત એવું વાતાવરણ ઉભું કરી રહ્યા છીએ જ્યાં બધા જ સહકર્મચારીઓ પોતાની સંપૂર્ણ ક્ષમતા પ્રમાણે પ્રદર્શન આપવામાં સહજ અનુભવે અને તેમના યોગદાનને યોગ્ય રીતે પિછાણવામાં આવે. અમારા કર્મચારીઓ સાથે સંકલનમાં પ્રવૃત્તિને મજબૂત કરવામાં અને તેને ટેકો આપવામાં અને નવી પ્રતિભાઓને આકર્ષિત કરવા પર પણ અમે એટલું જ ધ્યાન આપીએ છીએ. રીક્રૂટમેન્ટની ગુણવત્તા બહેતર બનાવવા માટે અને ઓનબોર્ડિંગ પ્રક્રિયાને આયોજનબદ્ધ રીતે કરવા માટે અમે વ્યાપક રીતે ‘એચઆર ટેક’નો ઉપયોગ કરીએ છીએ (‘પીમેપ્સ’ દ્વારા, જે એક મૂલ્યાંકન પ્લેટફોર્મ છે અને ‘પેચ’જે એક ઓપ્ટીમાઈઝેશન મોડેલ છે). કર્મચારીઓમાં અસંતોષને જાણવા માટે અને કર્મચારીઓના જુસ્સા અને કાર્યસ્થળે પ્રોત્સાહનને સકારાત્મક રીતે અસર કરે તેવા સક્રિય પગલાઓ લેવા માટે અમારા ‘એમ્બર’ અને ‘એચઆર કનેક્ટ’ કાર્યક્રમો દ્વારા અમે કર્મચારીઓને પ્રતિભાવ આપવાની તક આપીએ છીએ.

બહેતર ઉત્પાદકતા માટે અને અનુમાનિત વેપાર ઘડવા માટે બીડીએમ્સને અસરકારક અવલોકન વિશે માર્ગદર્શન આપવા માટે અમારા દ્વારા એઆઈ-આધારીત મોડેલ તૈયાર કરવામાં આવ્યું છે. અસરકારક કોર્પોરેટ ગર્વનન્સ માળખા દ્વારા અને વ્યક્તિગત વ્યવસાયિક લક્ષ્યાંક માટે સઘન તાલીમ અને ટેકો આપે તેવા વર્ક કલ્ચર દ્વારા અમે કામના સ્થળે ઉર્જાન્વિત વાતાવરણ રહે તેની ખાતરી કરીએ છીએ. અમારા દ્વારા ક્ષમતા અને નેતૃત્વ વિકાસની ખાતરી માટે વર્કશોપ્સ, માર્ગદર્શન, તાલીમ, નોકરી સાથે તાલીમ અને ફંક્શનલ અને ક્રોસ ફંક્શનલ પ્રોજેક્ટનું આયોજન કરવામાં આવે છે.

કર્મચારીદીઠ અમારું ન્યૂ બિઝનેસ આઈઆરપી, સંબંધિત ગાળાને કર્મચારીઓની સંખ્યા દ્વારા વિભાજીત કરી ન્યૂ બિઝનેસ આઈઆરપી તરીકે ગણવામાં આવે છે, જે નાણાંકીય વર્ષ 2020, 2021, 2022 અને જૂન 30, 2022ના રોજ પૂરા થતા ત્રણ મહિના માટે કર્મચારીદીઠ અનુક્રમે રૂ।. 3.07 મીલિયન, રૂ।. 2.88 મીલિયન, રૂ।. 4.11 મીલિયન અને રૂ।. 0.86 મીલિયન રહ્યું છે. અમે લાંબા ગાળા સુધી કર્મચારીઓને જાળવી રાખવાના અભિગમ અને ઉત્પાદકતાલક્ષી વાતાવરણને પ્રોત્સાહિત કરીએ છીએ અને અમારી સિદ્ધિઓ બદલ અમે ગર્વ અનુભવીએ છીએ.

સિદ્ધિઓમાં ઉમેરો કરતાં, ઈન્ડિયાફર્સ્ટ લાઈફને 2021માં ગ્રેટ પ્લેસ ટુ વર્ક® ઈન્સ્ટિટયૂટ દ્વારા વીમા ઉદ્યોગમાં ભારતના શ્રેષ્ઠ કાર્યસ્થળોમાં, 2021માં કામ કરવા માટે ભારતની શ્રેષ્ઠ કંપનીઓમાં અને સ્ત્રીઓ માટે ટોચના 100 શ્રેષ્ઠ કાર્યસ્થળોમાં સ્થાન મળ્યું છે. આ સમ્માન અમારી સંસ્થા અને કર્મચારીઓની કટિબદ્ધતાનું પ્રમાણ છે જેઓ અમારી કેન્દ્રિય ફિલોસોફી - #કસ્ટમર ફર્સ્ટ અને #એમ્પ્લોયી ફર્સ્ટનું પૂરી નિષ્ઠાથી પાલન કરે છે – અને તે જ ઈન્ડિયાફર્સ્ટ લાઈફનું કેન્દ્રબિંદું છે. અમારા કર્મચારીઓ અમારું ચાલકબળ, અમારી કેન્દ્રિય શક્તિ, અમારી વિશિષ્ટતા અને અમારા બ્રાન્ડ પ્રતિનિધિઓ છે. #એમ્પ્લોયીફર્સ્ટના અમારા કાર્યમંત્ર થકી #કસ્ટમરફર્સ્ટનું અમારુ લક્ષ્ય અને સારી રીતે પાર કરી શક્યા છીએ.

કસ્ટમર ફર્સ્ટ ફિલોસોફી

સંપૂર્ણ વેલ્યૂ ચેઈનમાં ડિજીટલાઈઝેશન પહેલને આગળ ધપાવીને અમે મૂલ્યવાન સેવા આપીએ છીએ, જેના મૂળમાં અમારી #કસ્ટમરફર્સ્ટ વિચારધારા છે. અમે સતત આ ફિલોસોફીને દોહરાવવામાં માનીએ છીએ અને આજ વિચારધારા સાથે અમે અમારા ગ્રાહકો સાથે કામ કરીએ છીએ, અમારી ‘સર્કલ ઑફ ટ્રસ્ટ’ની વ્યાખ્યા અમારી વર્તણૂંક માટે દીવાદાંડીનું કામ કરે છે અને અમારું દરેક આચરણ ગ્રાહકોનો વધુ વિશ્વાસ સંપાદિત કરવાના ઉદ્દેશ્યથી પ્રેરીત હોય છે.