ટર્મ લાઈફ ઈન્સ્યોરન્સ

મારે ટર્મ ઇન્શ્યોરેન્સ શા માટે લેવો જરૂરી છે?

આપને ટર્મ ઇન્શ્યોરેન્સની જરૂરિયાત શા માટે છે, તે જાણતા પહેલાં ચાલો કેટલાક આત્મખોજ કરનારા પ્રશ્નો અંગે વિચારીએઃ

• શું આપને લાગે છે કે, આપે આપની ગેરહાજરીમાં આપના પરિવારની આર્થિક સુરક્ષાની ખાતરી કરી લીધી છે?
• જ્યારે આપનો પરિવાર આપની માસિક આવક પર નિર્ભર ન હોય ત્યારે આપનું રોકાણ અને/અથવા બચત તેમને ટેકો પૂરો પાડવા માટે પૂરતાં છે?
• આપનું નિધન થઈ જવાના કિસ્સામાં શું આપનો પરિવાર આપની આર્થિક જવાબદારીઓ અને ઋણની ચૂકવણીઓમાંથી મુક્ત હશે?

આમાંથી કોઇપણ પ્રશ્નનો ઉત્તર ના હોય તો, આપના માટે ટર્મ પ્લાન ખરીદવો એ એક આવશ્યક રોકાણ બની જાય છે. આ રહ્યાં તેના માટેના કારણોઃ

આપ આપના પરિવારની મુખ્ય વ્યક્તિ હો, સિંગલ પેરેન્ટ હો, બિઝનેસના માલિક હો અથવા પગારદાર કર્મચારી હો... આપની જરૂરિયાતોને અનુરૂપ ટર્મ ઇન્શ્યોરેન્સ પ્લાન ખરીદવો એ આપના પરિવારના આર્થિક ભવિષ્યની ખાતરી કરવાનો સૌથી સ્માર્ટ રસ્તો છે.

આપના પરિવારની આર્થિક સ્થિરતાની સુરક્ષા કરવી

પરિવારની કમાણી કરનારી વ્યક્તિને ગુમાવી દેવાનો આર્થિક પ્રભાવ આશ્રિતોના જીવનધોરણને ખોરવી નાંખે છે અને ભવિષ્ય માટેના તેમના સપનાં રોળાઈ જાય છે. આપના પ્રિયજનોના સપનાંને નવી પાંખો આપો, આપની ગેરહાજરીમાં પણ...

સજ્જ રહેવા માટે

નિષ્ફળ ન થવાય તેના માટે આયોજન કરો. આયોજન કરવામાં નિષ્ફળ થશો નહીં. જીવનમાં કોઈ બાબત નિશ્ચિત હોય તો તે અનિશ્ચિતતા છે. તમામ સ્થિતિનો સામનો કરવા માટે તૈયાર રહેવું એ જીવનની અનિશ્ચિતતાઓ સાથે કામ પાર પાડવાનો શ્રેષ્ઠ માર્ગ છે. રૂ. 1 કરોડના ટર્મ ઇન્શ્યોરેન્સ જેવું નોંધપાત્ર જીવન વીમાકવચ જીવનની અનિશ્ચિતતા સામે આપના પરિવારનું રક્ષણ કરી શકે છે.

આપની સંપત્તિનું રક્ષણ કરવા માટે

આપે જો કાર કે હૉમ લૉન ચૂકવવાની હોય તો, આપના અકાળે અવસાનના કિસ્સામાં આ આર્થિક જવાબાદારીઓ આપના પરિવારજનોના માથે આવી પડે છે. એક ટર્મ ઇન્શ્યોરેન્સ પૉલિસી આપના પરિવારના ભવિષ્યને સુરક્ષિત કરવામાં મદદરૂપ થાય છે. અકાળે અવસાનના કિસ્સામાં સામટી ચૂકવવામાં આવતી રકમનો લાભ આ આર્થિક જવાબદારીઓ, ઋણની ચૂકવણી કરવામાં ઉપયોગમાં લઈ શકાય છે તથા આપના પરિવારને કોઇપણ પ્રકારના તણાવમાં નાંખ્યા વગર આપની સંપત્તિની સુરક્ષા કરે છે.

જીવનધોરણમાં શક્ય એટલા ઓછા ફેરફાર કરવા માટે

આપનો પરિવાર ચોક્કસ જીવનધોરણથી ટેવાઈ ગયો હોય છે. આપના આશ્રિતોએ તેમની આંખમાં ઉજ્જવળ ભવિષ્યના સપનાં આંજી રાખ્યાં હોય છે, જેમ કે, શિક્ષણ, લગ્ન અને શાંતિપૂર્ણ જીવન માટેનું આયોજન. ઘરમાં કમાણી કરનાર મુખ્ય વ્યક્તિનું નિધન થઈ જવાથી આ આયોજનો ઝડપથી ખોરવાઈ જઈ શકે છે અને આપના પ્રિયજનો માટે અગાઉની જેમ આરામદાયક રીતે જીવવાનું દુષ્કર બની જાય છે. એક ટર્મ કવર જે લાભ પૂરાં પાડે છે, તેની મદદથી તેમનું આર્થિક ભવિષ્ય સરળ અને સલામત બની જઈ શકે છે.

મારે ઇન્ડિયાફર્સ્ટ લાઇફ પ્લાન શા માટે ખરીદવો જોઇએ?

40 વર્ષના સમયગાળા સુધી જીવન વીમાકવચના ફાયદાઓનો આનંદ માણો

ટર્મ ઇન્શ્યોરેન્સને ખરીદવાનો શ્રેષ્ઠ સમય હમણાં જ છે. આપ જો હમણાં જ ટર્મ પૉલિસી મેળવવાનો વિકલ્પ પસંદ કરો છો, તેનાથી આપને પ્રીમિયમના સૌથી ઓછા દર અને આપની ઇચ્છા મુજબની મુદત મેળવવાની ખાતરી થઈ શકે છે. ઇન્ડિયાફર્સ્ટ લાઇફ પ્લાન આપને 5 વર્ષથી માંડીને 40 વર્ષ સુધીનો સમયગાળો પૂરો પાડે છે, જેમાં પ્લાનની મુદતના અંતે મહત્તમ વય 70 વર્ષની છે.

પરવડે તેવા દરોએ મહત્તમ ટર્મ કવરની સાથે આપના પ્રિયજનોને આર્થિક સુરક્ષા પૂરી પાડે છેે

યુટિલિટી બિલ, ભાડું અને અન્ય માસિક ખર્ચાઓની ચૂકવણી કર્યા બાદ વીમાનું ભારે પ્રીમિયમ ચૂકવવું ઘણું મુશ્કેલીભર્યું બની શકે છે. ઇન્ડિયાફર્સ્ટ લાઇફ પ્લાન આપને પરવડે તેવા પ્રીમિયમે વીમાકવચ પૂરું પાડે છે, જે આપના બજેટને હચમચાવતું નથી. આ સ્માર્ટ ટર્મ પ્લાન આપને મનની શાંતિ આપે છે અને આપના ખીસાના ભારને હળવો કરતો નથી. પ્રીમિયમની રકમનો આધાર વીમાકૃત વ્યક્તિની ઉંમર, પ્લાનની મુદત અને વીમાકૃત રકમ પર રહે છે. ઇન્ડિયાફર્સ્ટ લાઇફ પ્લાનના પ્રીમિયમની શરૂઆત પ્રતિ માસ ફક્ત રૂ. 100 જેટલી નજીવી રકમથી થાય છે.

આપની ગેરહાજરીમાં પણ આપના પરિવારની આર્થિક સ્થિરતાની ખાતરી કરે છે

મોટાભાગના લોકો જીવનના આયોજનના ભાગરૂપે હૉમ લૉન ધરાવતા હોય છે અને તેમણે બાળકોના શિક્ષણ માટે ચૂકવણી કરવાની હોય છે. પરિવારની કમાણી કરનારી મુખ્ય વ્યક્તિનું મૃત્યુ આવા તમામ આયોજનોને ખોરવી નાંખી છે. ઇન્ડિયાફર્સ્ટ લાઇફ પ્લાનની મદદથી આપ આપના પરિવારના સપનાંઓને પ્રાથમિકતા આપવા આગોતરું આયોજન કરી શકો છો.

એકસામટી પ્રાપ્ત થતી નોંધપાત્ર રકમ વડે આપના પરિવારના જીવનધોરણને જાળવી રાખો

ઇન્ડિયાફર્સ્ટ લાઇફ પ્લાન રૂ. 1,00,000થી રૂ. 50 કરોડ સુધીનાં જીવન વીમાકવચના વિકલ્પો પૂરાં પાડે છે. વીમાકવચની મુદત દરમિયાન વીમાકૃત વ્યક્તિના અકાળે અવસાનની દુર્ભાગ્યપૂર્ણ ઘટનામાં તેમના નોમિનીને વીમાકવચમાં રહેલી વીમાકૃત રકમ જેટલી એકસામટી રકમ પ્રાપ્ત થશે. નોમિનીને ચૂકવવાપાત્ર થતો મૃત્યુ સંબંધિત લાભ કોઇપણ સમયે ચૂકવેલા તમામ પ્રીમિયમના 105%થી પણ વધારે થશે.

લાગુ થતાં કર સંબંધિત કાયદાઓ મુજબ ચૂકવવામાં આવેલા પ્રીમિયમ અને પ્રાપ્ત કરેલા લાભ પર કરબચતના લાભ મેળવો

આવકવેરાના પ્રવર્તમાન કાયદા હેઠળ આપ ચૂકવવામાં આવેલ પ્રીમિયમ અને પ્રાપ્ત કરેલા લાભ પર કર સંબંધિત લાભ મેળવવા માટે પાત્ર ગણાઓ છો.

15 દિવસનો ફ્રીલૂક

ઇન્ડિયાફર્સ્ટ લાઇફ આપને 15 દિવસનો ફ્રીલૂકનો સમયગાળો આપે છે, જેથી આપ જો નિયમો અને શરતો સાથે સંમત ન હો તો પ્લાનને પરત કરી શકો છો. તેનાથી આપને ટર્મ પ્લાનને અજમાવવાની પૂરેપૂરી સુગમતા પ્રાપ્ત થાય છે. આ ઉપરાંત આપ અગાઉથી પૉલિસીનો નમૂનાનો દસ્તાવેજ ડાઉનલૉડ પણ કરી શકો છો.

મારે ઇન્ડિયાફર્સ્ટ લાઇફ પ્લાન ટર્મ ઇન્શ્યોરેન્સ શા માટે ખરીદવો જોઇએ?

ઇન્ડિયાફર્સ્ટ લાઇફ પ્લાન એ કોઇપણ પ્રકારની અતિશ્યોક્તિ વગરનું ટર્મ કવર છે અને તેમાં જે કહેવામાં આવ્યું છે, તે જ તે કરે છે. જીવનના દરેક તબક્કા અને વિવિધ વયજૂથોને સમાવતી આ ટર્મ ઇન્શ્યોરેન્સ પૉલિસી એ આપના પરિવારને સુરક્ષિત રાખવા માટે ખૂબ જ આવશ્યક છે, આપની વિદાય પછી પણ.

એકલા અને અપરણિત

આપ એકલા અને અપરણિત હો તો પણ આપના પર આશ્રિત આપના માતા-પિતા અને અન્ય પરિવારજનોની જવાબદારી તો હોય જ છે, ખાસ કરીને નિવૃત્તિ બાદ. આપની ગેરહાજરીમાં આપના આશ્રિતોને સહાયરૂપ થવા માટે ટર્મ ઇન્શ્યોરન્સ ખરીદો.

પરણિત છો પરંતુ બાળક નથી

સપ્તપદીના સાત ફેરામાં એક વચન આપ આપના જીવનસાથીને હંમેશા સાથ નિભાવવાનું અને કાળજી લેવાનું પણ આપો છો. કોઇપણ પરિસ્થિતિમાં આપના પ્રિયજનના ભવિષ્યને સુરક્ષિત રાખવા માટેના આપની પાસે બેકઅપ પ્લાન હોય તે સુનિશ્ચિત કરી આપના જીવનસાથી પ્રત્યેની આપની જવાબદારીઓ પૂરી થાય તેની ખાતરી કરો.

પરણિત છો અને બાળકો પણ ધરાવો છો

આપના જીવનસાથીને આર્થિક સહાય પૂરી પાડવાની સાથે આપની ઉપર આપના બાળકોની કાળજી લેવાની, તેમના શિક્ષણના ખર્ચની તથા તેમના લગ્નની પણ જવાબદારીઓ રહેલી છે. ઇન્ડિયાફર્સ્ટ લાઇફ પ્લાન ટર્મ કવર આપના આશ્રિતોને આપના નિધન પછી પણ સહાયરૂપ થશે તથા તેમનું જીવનધોરણ જાળવી રાખવામાં મદદરૂપ થશે.

મારે કેટલા ટર્મ કવરેજની જરૂર છે?

શું રૂ. 50,00,000ની વીમાકૃત રકમ પૂરતી છે કે આપે રૂ. 1 કરોડના ટર્મ પ્લાનને પસંદ કરવો જોઇએ? આ પ્રકારના પ્લાનને પસંદ કરવા માટે એક સર્વસામાન્ય નિયમ એ છે કે, આપના ટર્મ પ્લાનની વીમાકૃત રકમ આપની વર્તમાન વાર્ષિક આવકથી ઓછામાં ઓછી 10-20 ગણી હોવી જોઇએ, આ બાબતને ધ્યાને લીધા બાદ આપ કોઈ ઋણ, ચૂકવવાની બાકી લૉન અને અન્ય આર્થિક જવાબદારીઓ ધરાવો છો કે કેમ તેના અંગે વિચારો

આથી, જો આપની વાર્ષિક આવક રૂ. 10 લાખની આસપાસ હોય તો, આપે રૂ. 1 કરોડ કે તેનાથી વધુનો ટર્મ પ્લાન ખરીદવો જોઇએ. ઘણીવાર લોકો આ સમગ્ર પ્રક્રિયાની ઊલટી કરી નાંખે છે અને પરવડે તેવા પ્રીમિયમ ધરાવતી વીમાકૃત રકમ રાખે છે. જોકે, આપને કેટલા ટર્મ કવરેજની જરૂર છે તે નક્કી કરવાની આ યોગ્ય પદ્ધતિ નથી. આપે આપના ભવિષ્યના ખર્ચા, ફુગાવા અને આશ્રિતોને ધ્યાનમાં રાખીને આ અંગે તાર્કિક રીતે નિર્ણય લેવો જોઇએ.

આપે ધ્યાનમાં લેવા જેવી બાબતોમાં સમાવિષ્ટ છેઃ

• આપના પરિવારનાં જીવનધોરણને જાળવી રાખવું
• લૉન અને ઋણની ચૂકવણી
• ભવિષ્યમાં આવનારા ખર્ચા, જેમ કે, બાળકોનું શિક્ષણ, લગ્ન વગેરે.
• ભવિષ્યમાં કરવાના રોકાણો
• ફુગાવો

ઇન્ડિયાફર્સ્ટ લાઇફ પ્લાન ટર્મ ઇન્શ્યોરેન્સ મેળવવાની પાત્રતાઓ કઈ છે?

કોઇપણ ભારતીય નાગરિક ઇન્ડિયાફર્સ્ટ લાઇફ પ્લાન ટર્મ ઇન્શ્યોરેન્સ પૉલિસીઓ મેળવી શકે છે, જ્યાં સુધી તેઓ અહીં જણાવેલા પાત્રતાના મૂળભૂત માપદંડોનું પાલન કરેઃ

• અરજી કરવાની લઘુત્તમ વય 18 વર્ષ હોવી જોઇએ
• અરજી કરવાની મહત્તમ વય 60 વર્ષ હોવી જોઇએ
• પ્લાનના અંતે મહત્તમ વય 70 વર્ષ હોવી જોઇએ.
• લઘુત્તમ વીમાકૃત રકમ રૂ. 1,00,000 છે; અને મહત્તમ વીમાકૃત રકમ રૂ. 50,00,00,000 છે.

ટર્મ ઇન્શ્યોરેન્સના દરોને પ્રભાવિત કરનારા પરિબળો કયા છે?

આપે ચૂકવવાની થતી પ્રીમિયમની રકમનો આધાર આ બાબતો પર છેઃ

વય

જીવનમાં શક્ય એટલી નાની વયે ટર્મ પ્લાન ખરીદી લો. યુવાનોને જીવન માટે ખતરારૂપ હોય તેવી માંદગીનું જોખમ ઓછું હોય છે. આથી વિશેષ, યુવાનો વૃદ્ધોની સરખામણીએ વધારે પ્રીમિયમ ચૂકવતા હોય છે. જેનો અર્થ એ થયો કે, આપ જ્યારે ટર્મ પૉલિસી ખરીદો ત્યારે આપની વય જેટલી ઓછી હશે, આપના પ્રીમિયમની રકમ પણ એટલી જ ઓછી હશે.

જાતિ

સંશોધન અભ્યાસો સૂચવે છે કે, સામાન્ય રીતે સ્ત્રીઓનું આયુષ્ય પુરુષો કરતાં વધારે હોય છે. એ બાબતની વધારે સંભાવના છે કે, સ્ત્રીઓ લાંબાગાળે પુરુષો કરતાં વધારે પ્રીમિયમ ચૂકવે અને આથી જ, સ્ત્રીઓ પ્રમાણમાં પ્રીમિયમની ઓછી રકમ ચૂકવે છે.

વ્યક્તિગત અને કૌટુંબિક તબીબી પૂર્વવિગત

આપના ટર્મ ઇન્શ્યોરેન્સના પ્રીમિયમના દરો નક્કી કરવામાં આપની તબીબી પૂર્વવિગત નિઃશંકપણે મહત્વની ભૂમિકા ભજવે છે. કેન્સર અથવા હૃદયરોગ જેવી બીમારીઓની પૂર્વવિગતો આપના વીમાના દરો વધારી દે તેની પૂરેપૂરી સંભાવના છે. તે જ રીતે, આપના આરોગ્ય પર જો પહેલેથી જ કોઈ મોટું જોખમ રહેલું હોય તો, તેની અસર આપના પ્રીમિયમના દરો પર પડશે.

ધૂમ્રપાનની ટેવ

ધ્યાન પર લેવાની પ્રાથમિક બાબતોમાં આપ ધૂમ્રપાન કરો છો કે નહીં તે પણ છે. આપે જો આગલા વર્ષમાં જરાયે ધૂમ્રપાન કર્યું ન હોય તો, આપ પોતાને નોન-સ્મોકર જાહેર કરી શકો છો. જેઓ ધૂમ્રપાન નથી કરતાં તેમના દરો ઓછા હોય છે.